अर्को कार्यक्रम कपिलबस्तु जिल्लाका साकोसहरुबीच आगामी जेठ २६ गते आयोजना गरिने छ ।
नेफ्स्कूनका अध्यक्ष परितोष पौड्यालले बचत तथा ऋण सहकारी संस्थाहरुले लगानीलाई उद्यमशिलता सँग जोड्दै आफ्ना सदस्यहरुको वर्तमान वदल्ने र भविष्य निर्माण गर्ने अभियानमा जुट्नुपर्ने बताउनुभएको छ ।
कास्कूनका सल्लाहकार समेत रहनुभएका प्रमुख अतिथि चन्द्र प्रसाद ढकालले लेखा सुपरिवेक्षण समितिको महत्वपूर्ण भूमिकाका विषयमा भर्चुअल कार्यक्रम गरेर सबैलाई जानकारी गराउने प्रयत्न गरेको भन्दै कास्कून नेतृत्वको प्रशंसा गर्नुभयो ।
रुपन्देही जिल्ला बचत संघको समन्वयमा भर्चुअल अन्तरक्रिया कार्यक्रम थालनी भएको भन्दै खुसी व्यक्त गर्नुभयो ।
नेफ्स्कून सञ्चालक समितिको जेठ ११ गतेको अभौतिक बैठकले सामाजिक सुरक्षा कोषमा जाने निर्णय गरेको जानकारी समेत गराइएको थियो ।
सहकारीको स्रोत अर्थात ऋणको सदुपयोग गरेर सदस्यहरुलाई र सहकारीलाई माथी उठाउनुहोस् । सहकारी मार्फत वा सहकारीका सदस्यले गरेको लगानी उद्यममा लगाउनुहोस् । सकारात्मक सोच, सकारात्मक कार्य र सकारात्मक बानी को विकास मार्फत उद्यम तथा व्यवसायमा सकारात्मक परिणाम ( दीगो उद्यम) हासिल गर्ने लक्ष्य लिनुहोस् ।