काठमाडौं । विश्व बैंकले नेपाललाई १५ करोड डलर बराबर ऋण सहयोग गर्न वित्तीय सम्झौतापत्रमा हस्ताक्षर गरेको छ । कोभिड–१९ महामारीबाट उत्थानशील पुनरुत्थान तथा अति विपन्न र जोखिममा रहेकाहरूको संरक्षण एवम् दिगो विकास हासिल गर्न विश्व बैंकले करिब १७ अर्ब ७८ करोड रुपैयाँ सहुलियत ऋण उपलब्ध गराउने सहमती गरेको हो । सम्झौतामा नेपाल सरकारका तर्फबाट अर्थमन्त्रालयका सचिव शिशिर कुमार ढुंगाना तथा माल्दिभ्स, नेपाल र श्रीलंकाका लागि विश्व बैंकका राष्ट्रिय निर्देशक फारिस हदाद–जर्भोसले हस्ताक्षर गर्नुभयो ।