भरतपुर महानगरपालिकाले आर्थिक वर्ष २०७८/७९ का लागि अनुमानित आय व्ययसहितको कुल ४ अर्ब ८१ करोड १२ लाख ६५ हजार रुपैयाँ बराबरको बजेट सार्वजनिक गरेको छ ।
सहकारी संस्थाहरुलाई समुदायस्तरमा प्रवर्धन गरी युवा स्वरोजगार कार्यक्रम सञ्चालन, युवाहरुलाई सहकारी संस्था वा बैंकमार्फत लिने ३ लाख र ५ लाख रुपैयाँसम्मको ऋणको ब्याजमा ३ वर्षसम्मको लागि क्रमशः सतप्रतिशत र ८० प्रतिशत ब्याज अनुदान कार्यक्रम सञ्चालन, विदेशबाट आर्जन गरेका सीप उपयोग गरी रोजगारी पैदा गर्ने खालका कृषि लगायतका साना उद्यम गर्न चाहने युवाहरुलाई अनुदान लगायतका कार्यक्रम कार्यान्वयन गर्नका लागि एकमुष्ठ रु ३ करोड ५० लाख विनियोजन गरिएको छ । संयोगले भरतपुर महानगरपालिकाको आगामी आर्थिक वर्षको बजेटका प्राथमिकता क्षेत्रहरुको सातौं नम्बरमा सहकारी परेको छ ।