सुनसरी । धरान उप महानगरपालिका वडा नं ६ स्थित नमोः बचत तथा ऋण सहकारी सस्था लि. नेफ्स्कूनले सञ्चालन गरेको जोखिममा आधारित साकोस सुपरिवेक्षण कार्यक्रममा आबद्ध भएको छ । नेफ्स्कून जिल्ला बचत संघ साझेदारी कार्यक्रम अन्तर्गत संचालित उक्त कार्यक्रमले साकोसको दिगो विकास र गुणस्तरता सुनिश्चित गर्दछ । उक्त सम्बन्धमा औपचारिक सम्झौता समेत सम्पन्न भएको छ । सम्झौता कार्यक्रममा जिल्ला बचत तथा ऋण सहकारी संघ लि. सुनसरीको तर्फबाट अध्यक्ष शिवराज श्रेष्ठ, कार्यक्रम अधिकृत सुमन सुवेदी, लेखापाल खगेन्द्र प्रसाद अधिकारी र नेफ्स्कूनकोतर्फबाट कार्यक्रम अधिकृत मुकेश दाहाल र साकोसको तर्फवाट अध्यक्ष शिवराज श्रेष्ठ तथा व्यवस्थापक कृष्ण कुमार चौधरीको सहभागिता थियो ।