काठमाडौंको गुडविल साकोसका सञ्चालकहरुको क्षमता अभिवृद्धि तालिम भक्तपुरमा सुरु 

काठमाडौं । काठमाडौंको चाबहिलमा मुख्य कार्यालय रहेको गुडविल बचत तथा ऋण सहकारी संस्था लि.का सञ्चालकहरुको क्षमता अभिवृद्धि तालिम आजबाट भक्तपुरमा सुरु भएको छ । चैत २७ गतेसम्म सञ्चालन हुने तालिममा संस्थाका सञ्चालक, व्यवस्थापन र उपसमिति गरी १३ जना सहभागी हुनुहुन्छ ।

तालिम सहजीकरण नेफ्स्कूनका बरिष्ठ अधिकृत बल्लभ तिमल्सिना र तालिम अधिकृत सुमनराज घिमिरेले गर्नुभएको छ । १९ सय सदस्य रहेको गुडविल साकोसको कुल सम्पत्ति ४९ करोड रुपैयाँ रहेको छ भने उक्त साकोस नेफ्स्कूनले सञ्चालन गरेको गुणस्तर सुनिश्चितता सम्बन्धी स्तरीकरण कार्यक्रम पूर्ण तथा व्यावसायिक साकोस विकास कार्यक्रम-प्रोबेसनमा आबद्ध छ ।