कर्वस् रामेछाप क्ल्स्टरको सातौँ कार्यकुशलता तथा सिकाई व्यवस्थापन कार्यशाला सम्पन्न

रामेछाप । जिल्लामा कर्वस् आबद्ध साकोसहरुको कार्यकुशलता तथा सिकाई व्यवस्थापन कार्यशाला सम्पन्न भएको छ । रामेछाप जिल्ला गोकुलगंगा गाउँपालिका वडा नं. ५ नामाडिमा रहेको जनएकता साकोसको आयोजनामा उक्त कार्यक्रम सम्पन्न भएको हो ।

कार्यक्रम गोकुलगंगा गाउँपालिका वडा नं. ५ का वडा अध्यक्ष बलराम खड्का को प्रमुख आतिथ्यतामा भएको थियो । कार्यक्रममा बोल्दै वडा अध्यक्षले साकोसहरुको गुणस्तर सुनिश्चितताको लागि नेफ्स्कूनले सञ्चालन गर्दै आएको कार्यक्रमको प्रशंसा गर्दै ग्रामिण विकासमा सहकारीको महत्वपुर्ण भूमिका रहेको उल्लेख गर्नुभएको थियो । नेफ्स्कूनबाट दोलखा कार्यलय फिल्ड इन्चार्ज समिट खड्का  र अनुगमन अधिकृत श्यामराजा तिमल्सिनाको उपस्थितिमा सम्पन्न कार्यक्रमको सहजिकरण नेफ्स्कून अनुगमन अधिकृत श्याम राजा तिमल्सिनाले गर्नुभएको थियो । कार्यक्रममा रामेछाप जिल्लाका कर्वसमा आबद्ध सात संस्थाहरुको सहभागिता थियो । संस्थाको प्रस्तुतिकरणहरुको समिक्षा गर्दै आगामी कार्यक्रम २०७८ बैशाख १८ गते शान्ति समाज साकोस फुलासिको आयोजनामा संचालन गर्ने गरी समापन गरिएको थियो ।