चितवन । भतरपुर महानगरपालिका-११ स्थित हिमाली ब्राह्मी साकोसले ग्लोबल मनी विक-२०२४ को अवसरमा फागुन ९ गते शुक्रबार वित्तीय व्यवस्थापन कार्यक्रम संस्थाको केन्द्रीय कार्यालयको सभाहलमा ५१ जनाको उपस्थितिमा सम्मन्न गरेको छ ।
कार्यक्रममा पैसाको महत्त्व, व्यक्तिगत तथा पारिवारिक बजेट, आम्दानी खर्च, सम्पति तथा दायित्व लगायत वित्तीय व्यवस्थापनका फाइदा र तौरतरिका,बारे अन्तर्कृयात्मक सिकाइसँगै अनुभवहरु पनि आदानप्रदान भएको थियो । सहभागी सदस्यहरुले कार्यक्रम निकै जानकारीमूलक भएको बताउनुभएको थियो । दैनिक जीवनमा लागू गर्नुपर्ने मसिना विषयहरुमा पनि शिक्षा प्राप्त भएको बताउँदै सहभागीहरुले सकाइलाई व्यवहारमा अभ्यास गर्ने प्रतिबद्धता व्यक्त गर्नुभएको थियो ।
कार्यक्रमको अध्यक्षता संस्थाकी अध्यक्ष भबानी देवी अधिकारी, प्रमुख अतिथि सहभागीको तर्फबाट जेष्ठ सदस्य उर्मिला भट्टराई, सचिव गिता केसी, कोषाध्यक्ष सरला घिमिरे, लेखा सुपरिवेक्षण समिति संयोजक इन्दिरा घिमिरे, संचालक सदस्य डिक माया भट्टराई, सरिता घिमिरे सल्लाहकार चम्फा भट्टराई, बालकुमारी कंडेल तथा पदाधिकारीहरुको उपस्थिति रहेको थियो ।
कार्यक्रमको स्वागत उपाध्यक्ष मिना ढकाल पाण्डे, कार्यक्रम संचालन सचिब गिता केसीले गर्नु भएको थियो । सहजीकरण सस्थाको व्यवस्थापक सजना श्रेष्ठले गर्नु भएको थियो ।