काठमाडौं । महोत्तरीको औरहीस्थित विषहारामाई बचत तथा ऋण सहकारी संस्था लि. ले फागुन ५ गते शनिबार सहकारी शिक्षा तथा वित्तीय साक्षरता तालिम सम्पन्न गरेको छ । औरही नगरपालिका २ चेपकटका सदस्यहरूलाई केन्द्रित गरी स्थानीय जनहबी आधारभूत विद्यालयमा आयोजित तालिममा ५० जना भन्दा बढी सेयर सदस्यको सहभागिता रहेको थियो।
बिहान ११ बजेदेखि ३ बजेसम्म भएको तालिममा सहकारीको परिभाषा, मूल्य, मान्यता, सिद्धान्त, बचत, ऋण, वित्तीय साक्षरता, सहकारी र बैंक बीच फरक तथा संस्थाको बारेमा सदस्यहरुलाई सचिव रामनारायण शाह, व्यवस्थापक दिनेश कुमार यादव र रामबली मण्डलले सहजीकरण गर्नुभएको थियो । तालिममा केही सदस्यहरुले संस्थासँग गरेको कारोबारको अनुभव तथा वित्तीय शिक्षासम्बन्धी आफ्नो अनुभवन पनि सुनाउनुभएको थियो ।
औरही नगरपालिका वडा नम्बर ७ का वडा अध्यक्ष जितेन्द्र यादवले उद्घाटन गर्नुभएको सो तालिममा संस्थाकी अध्यक्ष गणिता यादव, लेखा सुपरिवेक्षण समिति सदस्य रिना कुमारी यादव, कोषाध्यक्ष रुवि कुमारी झा, वडा नम्बर २ का वडा सदस्य संजय यादव लगायतको उपस्थिति थियो।