सर्लाही । नेपाल बचत तथा ऋण केन्द्रीय सहकारी संघ लि.(नेफ्स्कून) सर्लाही सदस्य सेवा कार्यालयको आयोजनामा महोत्तरी, सर्लाही र रौतहट जिल्लाभित्र संचालित सदस्य साकोसका कर्मचारीहरुका लागि माघ ७ र ८ गते 'जनशक्ति तथा कार्यालय व्यवस्थापन तालिम' हरिवन–११, सर्लाहीमा संचालन गरिएको छ ।
तालिम उद्घाटन सत्रमा नेफ्स्कून सञ्चालक सदस्य शोभा कुमारी राउतले तालिममा सिकेका कुराहरु साकोसमा लागु गर्न आग्रह गर्नुभयो । यस्तै, स्थानीय सहकारी अभियान्ता सर्लाही बचत संघका सचिव केशब प्रसाद ढकालले पनि सिकाइको व्यावहारिकतामा नै जोड दिनुभयो ।
तालिममा २८ साकोसबाट १० महिलासहित ३१ जनाको सहभागिता रहेको थियो । सहभागीहरुले तालिमका सिकेका कुरा संस्थामा लागु गर्ने प्रतिवद्धता व्यक्त गर्नुभएको थियो । तालिम सहजीकरण नेफ्स्कूनका तालिम अधिकृत उमेश कोईरालाले गर्नु भएको थियो भने उद्घाटन तथा समापन कार्यक्रम सञ्चालन संघको सर्लाही सदस्य सेवा कार्यालय प्रमुख महेश बरालले गर्नु भएको थियो ।