काठमाडौं । नेपाल बचत तथा ऋण केन्द्रीय सहकारी संघ लि. (नेफ्स्कून) को प्रवक्ताको जिम्मेवारी संघका बरिष्ठ उपाध्यक्ष दामोदर अधिकारीलाई प्रदान गरिएको छ । संघको सञ्चालक समितिको ३ सय २२औं बैठकले अधिकारीलाई उक्त जिम्मेवारी प्रदान गरेको हो । संघको प्रवक्तामार्फत सञ्चालक समितिका निर्णयहरुसँगै सदस्य संघ संस्था र सरोकारवालाहरुसँग प्रत्यक्ष परोक्ष सम्बन्ध राख्ने आधिकारिक जानकारी तथा सूचनाहरु सम्प्रेषित गरिने समितिले जनाएको छ ।
संघले विगतमा पनि बरिष्ठ उपाध्यक्षलाई प्रवक्ताको जिम्मेवारी प्रदान गर्दै आएको थियो । अघिल्लो कार्यकालमा महासचिव रहनुभएका अधिकारी संघको ३२औं वार्षिक साधारण सभाबाट बरिष्ठ उपाध्यक्षमा विजयी हुनुभएको हो । उहाँले प्रतिनिधित्व गर्ने प्रारम्भिक संस्था बर्दियाको सिको साकोस रहेको छ ।
नेपालमा हाल १९ वटा सिस्टर सोसाईटी छन् । आज भन्दा ३ वर्ष अघि सन् २०१७ को जुलाई ४ मा गठन भएको नेफ्स्कून च्याप्टर पहिलो सिस्टर सोसाईटी हो भने २०२० अगष्ट मा थप ६ सँगै नेपालमा सिस्टर सोसाईटीहरुको संख्या १९ पुगेको हो ।
सहकारीकर्मीहरुले राष्ट्रकविको निधनप्रति गहिरो शोक व्यक्त गर्दै राष्ट्रले अमुल्य निधि गुमाएको धारणा राख्नुभएको छ । सहकारी र साहित्य दुवै समाजको उन्नयनसँग जोडिएको भन्दै उहाँहरुले नेपाली साहित्य त्यसमा पनि विशेषतः काव्य र गीति जगतले एक सिद्धहस्त शिल्पी गुमाएको भन्दै श्रद्धाभाव व्यक्त गर्नुभएको छ ।
