कास्कीमा एनएफआरएस तालिम सुरु

काठमाडौं । नेफ्स्कून पोखरा सदस्य सेवा कार्यालयको आयोजनामा मंसिर १७ गतेबाट कास्कीको अन्नपूर्ण गाउँपालिकामा एनएफआरएस तालिम सुरु भएको छ । मंसिर १९ गतेसम्म सञ्चालन हुने तालिममा ३४ जनाको सहभागिता रहेको छ । तालिमको उद्घाटन सत्र नेफ्स्कूनका सञ्चालक सदस्य एवम् संघको पोखरा सदस्य सेवा कार्यालय व्यवस्थापन उपसमिति संयोजक चण्डी प्रसाद शर्मा पौडेलेको अध्यक्षता तथा नेफ्स्कून सञ्चालक सदस्य कमलादेवी गिरी लगायतको उपस्थितिमा भएको थियो । तालिम सहजीकरण चार्टड अकाउन्टेन्ट प्रविण बरालले गर्नुभएको थियो । उद्घाटन कार्यक्रम सञ्चालन संघको पोखरा सदस्य सेवा कार्यालय प्रमुख सूर्यप्रसाद तिमल्सिनाले गर्नुभएको थियो ।