नेफ्स्कूनको ३२औं वार्षिक साधारण सभाको मिति नजिकिदै

काठमाडौं । नेपाल बचत तथा ऋण केन्द्रीय सहकारी संघ लि. (नेफ्स्कून) को आगामी पुस महिनाको ७ र ८ गते काठमाडौंमा आयोजना हुने ३२औं वार्षिक साधारण सभाको मिति नजिकिदै छ । मिति नजिकिएसँगै साधारण सभाको व्यवस्थापकीय तयारीलाई तीब्रता दिइएको छ । नेफ्स्कून केन्द्रीय कार्यालयसँगै देशभरका सदस्य सेवा कार्यालय तथा सेवा केन्द्रहरु साधारण सभाको व्यवस्थापकीय तयारीमा जुटेका छन् । २०८० मंसिर ७ गते काठमाडौंमा बसेको संघको सञ्चालक समितिको बैठकले आगामी साधारण सभा पुस ७ र ८ गते प्रज्ञा भवन कमलादी, काठमाडौंमा गर्ने निर्णय गरेको हो । यो वर्ष नेफ्स्कूनको निर्वाचन सहितको साधारण सभा हो ।