अन्तर्राष्ट्रिय सहकारी महासंघको एशिया प्रशान्त क्षेत्रीय संगठन (आईसीए एपी) ले यसै वर्षबाट सुरु गरेको Cooperative Excellence Award बाट मलेशियाली सहकारी अभियन्ता र भारतको श्रमिक सहकारीलाई सम्मानित गरिएको छ । 'उत्कृष्ट सहकारी अभियन्ता' सम्मानबाट प्रेरणादायी मलेशियाली सहकारी अभियन्ता डा. अब्दुल फताहा अब्दुल्लाह सम्मानित हुनुभएको छ भने 'उत्कृष्ट सहकारी संस्था' भारतको केरलास्थित उरलुंगल श्रमिक सहकारी संस्था घोषित भएको छ । आईसीए एपीको फिलिपिन्सको राजधानी मनिलामा जारी १६औं साधारण सभा अन्तर्गत नोभेम्बर ८ अर्थात् हिजो बेलुकी आयोजित समारोहमा उक्त सम्मान घोषणा र प्रदान गरिएको हो ।
उत्कृष्ट सहकारी अभियन्ता डा. अब्दुल फताहा अब्दुल्लाह मलेशियाली सहकारी अभियानको शीर्ष निकाय आङ्कासाका अध्यक्ष हुनुहुन्छ । सन् २०१० देखि सहकारी अभियानमा सक्रिय उहाँ आईसीए एपीको उपाध्यक्ष समेत हुनुहुन्छ । उहाँ आसियान कोअपरेटिभ अर्गनाईजेसनको समेतअध्यक्ष हुनुहुन्छ ।
यस्तै, उत्कृष्ट सहकारी संस्था सम्मानबाट भारतको केरलास्थित उरलुंगल श्रमिक सहकारी संस्था पुरस्कृत भएको छ । उक्त सहकारी भारतको पूरानो श्रमिक सहकारीमध्ये पर्दछ । एक सय वर्ष भन्दा लामो इतिहास बोकेको उक्त सहकारीले दिगो पूर्वाधार विकासका क्षेत्रमा काम गर्दै आएको छ । संयुक्त राष्ट संघबाट समेत भारतको सर्वोत्कृष्ट श्रमिक सहकारीको रुपमा सम्मानित उक्त सहकारीका अध्यक्षले हालसालै करेला सरकारले प्रदान गर्ने रोबर्ट ओवेन उत्कृष्ट सहकारी अभियन्ता पुरस्कार समेत प्राप्त गर्नुभएको थियो ।
सहकारी क्षेत्रको विकास र प्रवर्धनमा उल्लेखनीय योगदान पुर्याउने एशिया प्रशान्त क्षेत्रका अभियन्ता, सहकारी संस्था र उत्कृष्ट नियामक निकायलाई सम्मानित गर्ने उद्देश्यसहित आइसीए एपीले पहिलो पटक पुरस्कार स्थापना गरेको हो । उत्कृष्ट सहकारी अभियन्ता, उक्तकृष्ट सहकारी संस्था र उत्कृष्ट नियामक निकाय गरी तीन शीर्षकमा सम्मान प्रदान गरिने जनाइए पनि मनिलामा जारी आईसीए एपीको क्षेत्रीय सभाको पूर्वसन्ध्यामा नोभेम्बर ८ मा दुई वटा पुरस्कार प्रदान गरिएको हो । आईसीए एपीले उत्कृष्ट सहकारीकर्मी, उत्कृष्ट संस्था र उत्कृष्ट नियामक निकाय गरी तीन क्षेत्रलाई समेटेर सम्मानको परम्परा थालनी गरेको जनाएको थियो । आईसीए एपीले तीनै विधाको सम्मानका लागि योग्यहरुको छनोट गरी आवेदन दिन आग्रह गरेको थियो ।
नेपालमा हाल १९ वटा सिस्टर सोसाईटी छन् । आज भन्दा ३ वर्ष अघि सन् २०१७ को जुलाई ४ मा गठन भएको नेफ्स्कून च्याप्टर पहिलो सिस्टर सोसाईटी हो भने २०२० अगष्ट मा थप ६ सँगै नेपालमा सिस्टर सोसाईटीहरुको संख्या १९ पुगेको हो ।
सहकारीकर्मीहरुले राष्ट्रकविको निधनप्रति गहिरो शोक व्यक्त गर्दै राष्ट्रले अमुल्य निधि गुमाएको धारणा राख्नुभएको छ । सहकारी र साहित्य दुवै समाजको उन्नयनसँग जोडिएको भन्दै उहाँहरुले नेपाली साहित्य त्यसमा पनि विशेषतः काव्य र गीति जगतले एक सिद्धहस्त शिल्पी गुमाएको भन्दै श्रद्धाभाव व्यक्त गर्नुभएको छ ।
