झापा । प्रोबेसन मेची कोशी तेस्रो क्लष्टरको पाँचौ कार्यकुशलता तथा सिकाई व्यवस्थापन कार्यशाला असार १० गते सम्पन्न भएको छ ।
झापाको विर्तामोड अवस्थित स्वरोजगार भवानी बचत तथा ऋण सहकारी संस्था लि. को आयोजना तथा व्यवस्थापनमा क्लष्टरमा आवद्ध ८ वटा संस्थाका प्रतिनिधिहरुको सहभागिता रहेको थियो । कार्यक्रमको प्रमुख आतिथ्यता नेफ्स्कूनका सञ्चालक घनश्याम अधिकारीले गर्नुभएको थियो ।
सञ्चालक अधिकारीले नेफ्स्कूनको स्तरिकरण कार्यक्रमले संस्थाको वित्तीय सुशासन र व्यवस्थापनको पक्षमा सुधारका लागि निरन्तर लाग्न अभिप्रेरित गरिरहेको जानकारी गराउदै स्थिरीकरण कोषको महत्वको बारेमा प्रष्ट पार्नुभएको थियो । वर्तमान समयमा नेफ्स्कूनले साकोस अभियानका लागि गरेको योगदान यस मार्गमा लागिरहन र प्रोबेसन कार्यक्रमले सहजिकरण गर्ने पर्ल्स र हिमालका सूचकहरुमा सुधार गरी संस्थाहरुलाई सुरक्षित र सुव्यवस्थित बनाउन समेत आग्रह गर्नुभयो ।
कार्यक्रमको सहजिकरण नेफ्स्कूनका सहायक कार्यकारी अधिकृत गणेशप्रसाद तिमल्सिनाले सुरक्षित ऋण परिचालन र कार्यक्रम अधिकृत पवन घिमिरेले संस्थाका व्यवस्थापकहरुले प्रस्तुत गर्नुभएको पर्ल्स र हिमालका सूचकहरुमाथि सुझाव दिनुभएको थियो ।
कार्यक्रमको सञ्चालन आयोजक स्वरोजगार भवानी साकोसका सचिव मनोज भट्टराईले गर्नुभएको थियो भने ७ वटा साकोसका २५ जना व्यवस्थापक र सञ्चालक, लेखा समिति सहितका सदस्यहरुको उपस्थिति रहेको थियो ।
अध्ययन भन्छः सहकारीमा बचत, तरलता र सम्पत्ती बढ्यो, लगानी २ प्रतिशतले घट्यो
तीन जिल्लामा साकोस अभियानको छवी संक्षरण र विकासमा संघको भूमिका विषयक अन्तरक्रिया
अभियानका शीर्षस्थ निकायहरूमा भक्तपुर बचत संघले बुझायो ज्ञापनपत्र