पाल्पा । जिल्ला बचत तथा ऋण सहकारी संघ लि. पाल्पाको २३औं वार्षिक साधारणसभा तथा ७औं अधिवेशन पौष ३० गते शनिबार सम्पन्न भएको छ । सभाले जगदीश भट्टराईको अध्यक्षतामा ११ सदस्यीय सञ्चालक समिति र भेषराज सुवेदीको संयोजकत्वमा ३ सदस्यीय लेखा सुपरिवेक्षण समिति सर्मसम्मत निर्वाचित गरेको छ ।
समितिको उपाध्यक्षमा तुल्सीराम भूसाल, सचिवमा धनबहादुर रायमाझी, कोषाध्यक्षमा विन्दु थापा निर्वाचित हुनुभएको छ । सञ्चालक सदस्यहरुमा सीता घिमिरे, लक्ष्मी न्यौपाने, रेनु लम्साल, पूर्णबहादुर भण्डारी, मधुदयाल सैजू, मोतिलाल अधिकारी र धातानन्द बस्याल निर्वाचित हुनुभएको छ ।
त्यसैगरी लेखा सुपरिवेक्षण समिति संयोजकमा भेषराज सुवेदी र सदस्यहरुमा दिपक न्यौपाने र मदनलाल बज्राचार्य निर्वाचित हुनुभएको संघकी व्यवस्थापक ईश्वरी देवी कोइरालाले जानकारी गराउनुभयो ।
जिल्लाको बचत तथा ऋण सहकारी अभियानको विकास तथा प्रवर्धनमा निरन्तर लागिरहने अध्यक्ष भट्टराईको पत्रकारिता क्षेत्रमा समेत राम्रो दख्खल रहेको छ । अध्यक्ष भट्टराई नेपाल बचत तथा ऋण केन्द्रीय सहकारी संघ लि. (नेफ्स्कून) को सूचना तथा सञ्चार उपसमिति सदस्य समेत हुनुहुन्छ ।
संघमा हाल ६४ संस्था आवद्ध छन् । एकीकरण पश्चात भने आवद सदस्य संस्था ६१ पुगेको छ ।