काठमाडौं । नेपाल बचत तथा ऋण केन्द्रीय सहकारी संघ लि.(नेफ्स्कून) चितवन टाँडी शाखाको आयोजनामा चितवनको सौेराहामा सम्भाव्य सदस्य अभिमुखीकरण कार्यक्रम विहीबारण् सम्पन्न भएको छ । अभिमुखीकरणमा रत्ननगर नगरपालिका, खैरहनी नगरपालिका, राप्ती नगरपालिका र कालिका नगरपालिकामा सञ्चालित १० सहकारीका सञ्चालक समिति/प्रतिनिधि र व्यवस्थापकहरु गरी जम्मा १८ जनाको उपस्थिति रहेको थियो ।
कार्यक्रम नेफ्स्कून सञ्चालक समिति सदस्य तथा नेफ्स्कून चितवन फिल्ड कार्यालय ब्यवस्थापन उप समिति संयोजक विद्या काईरालाको अध्यक्षता र नेफ्स्कूनकी उपाध्यक्ष शान्ति अधिकारीको विशेष उपस्थितिमा सम्पन्न भएको थियो ।
कार्यक्रममा उपाध्यक्ष अधिकारीले आर्थिक तथा गैरआर्थिक पाटाहरुमा सुशासन र नीति नियम निर्माण तथा परिपालनाको कमी रहेका सहकारी संस्थाहरुमा आज दिनानुदिन समस्या देखिएको हुँदा सहकारी सञ्चालनका क्रममा सहकारीको नीति, सिद्धान्त र ऐन कानुनको पालनामा विशेष ध्यान दिनुपर्ने बताउनुभयो । संघले आफ्ना सदस्य संस्थाहरुलाई विभिन्न भौतिक तथा अभौतिक रुपमा संस्थाहरुको प्रगती, दिगो विकास, गुणस्तर सुधार लगायतका कामहरु साथै सरकारसँगको वहश पैरवी गर्दै आइरहेको जानकारी गराउँदै संघमा आबद्ध नभएका सम्पूर्ण बचत तथा ऋण सहकारी संस्थाहरुलाई आवद्धताको लागि आव्हान गर्नुभयो ।
सभाध्यक्ष विद्या कोईरालाले संघमा आबद्ध नभएका यस क्षेत्रमा सञ्चालित बचत तथा ऋण सहकारी संस्थाहरुलाई संघमा आबद्ध गराई सहकारीको गुणस्तर सुधार र सक्षमता अभिवृद्धि गराउने लक्ष्य सहित अभिमुखीकरण कार्यक्रमहरुलाई निरन्तरता दिइएको बताउनुभयो ।
कार्यक्रम सहजीकरण नेफ्स्कूनका कार्यक्रम अधिकृत सुरज चालिसेले गर्नु भएको थियो भने व्यवस्थापन सहजीकरण टाँडी फिल्ड कार्यलयका प्रमुख केदारनाथ अधिकारीले गर्नुभएको थियोे ।
अध्ययन भन्छः सहकारीमा बचत, तरलता र सम्पत्ती बढ्यो, लगानी २ प्रतिशतले घट्यो
तीन जिल्लामा साकोस अभियानको छवी संक्षरण र विकासमा संघको भूमिका विषयक अन्तरक्रिया
अभियानका शीर्षस्थ निकायहरूमा भक्तपुर बचत संघले बुझायो ज्ञापनपत्र