काठमाडौं । रुपन्देहीको बुटवलस्थित लुम्बिनी बचत तथा ऋण सहकारी संस्था लि.ले सामाजिक उत्तरदायित्वका कार्यक्रम अन्तर्गत बृद्धबृद्धाहरुको स्वास्थ्य परिक्षण साथै न्यानो कपडा उपलब्ध गराएको छ । साकोसले लुम्बिनी उद्यान सरसफाईको काम समेत सम्पन्न गरेको छ ।
साकोसका अध्यक्ष महेश्वर प्रसाद श्रेष्ठको अध्यक्षतामा श्री शिद्धबाबा दुर्गाभवानी बृद्धाश्रमको प्रांगणमा आयोजना गरिएको कार्यक्रममा पूर्व कार्यपालिका सदस्य रंजित शेरचन प्रमुख अतिथि रहनु भएको थियो ।
कार्यक्रममा स्वागत मन्तव्य महिला उप–समिति संयोजक सुजिता शेरचनले गर्नुभएको थियो । महिला उप–समितिद्वारा नवजागृति पुस्तकालयको प्रांगणमा निर्मित लुम्बिनी उद्यानमा सरसफाई कार्यक्रम समेत गरिएको थियो ।