काठमाडौं । नेफ्स्कून चितवन फिल्ड कार्यालयको आयोजनामा सम्भाव्य सदस्यहरुका लागि अभिमुखीकरण कार्यक्रम सञ्चालन गरिएको छ । संघको छातामुनी आउन बाँकी बचत तथा ऋण सहकारी संस्थाहरुलाई संघमा आबद्ध गराई जागरण, विकास, प्रवर्धन र सञ्जालीकरण मार्फत सदस्यहरुको जीवनस्तरमा सुधार ल्याउने उद्देश्यसहित संघका नियमिति कार्यक्रमहरु सञ्चालन भइरहेका छन् ।
मंसिर २८ गते आयोजित अभिमुखीकरण कार्यक्रमको अध्यक्षता नेफ्स्कूनकी सञ्चालक सदस्य विद्या कोइरालाले गर्नुभएको थियो ।
कार्यक्रममा संघको आबद्धता बाहिर रहेका विभिन्न ९ वटा बचत तथा ऋण सहकारी संस्थाबाट १७ जना साकोसका प्रतिनिधिहरु उपस्थित हुनुभएको थियो ।
अभिमुखीकरण कार्यक्रम सहजीकरण नेफ्स्कूनका सहायक कार्यकारी अधिकृत एवम् सदस्य सेवा विभाग प्रमुख गणेश प्रसाद तिमल्सिनाले गर्नुभएको थियो भने कार्यक्रम व्यवस्थापन चितवन फिल्ड कार्यालयका इन्चार्ज रिषभ राज रेग्मीले गर्नुभएको थियो ।