काठमाडौं । नेफ्स्कून फिल्ड कार्यालय कलंकीको आयोजनामा सञ्चालित सुरक्षित ऋण परिचालन तथा जोखिम व्यवस्थापन तालिम सम्पन्न भएको छ । मंसिर २० र २१ गते दुई दिन सञ्चालित तालिममा काठमाडौंको कलंकी, चन्द्रागिरी र किर्तिपुर क्षेत्र आसपासका २३ बचत तथा ऋण सहकारी संस्थाबाट २९ जनाको सहभागिता रहेको थियो ।
तालिमको सहजीकरण सहकारीकर्मी प्रशिक्षक कुमार खत्रीले गर्नुभएको थियो ।
तालिम समापनका अवसरमा नेफ्स्कूनका सहायक कार्यकारी अधिकृत एवम् प्राचार्य सञ्जयराज तिमल्सीनाले साकोसको प्रभावकारी सञ्चालन सुरक्षित ऋण परिचालन र जोखिम रहित वित्तीय व्यवस्थापनमा अन्तरनिहित हुने बताउनुभयो ।