लमजुङमा पनि सहकारीहरुका लागि कोपोमिस तालिम सञ्चालन

लमजुङ । नेफ्स्कून लमजुङ फिल्ड कार्यालयको आयोजनामा लमजुङमा सञ्चालित सहकारीहरुका लागि पनि कोपोमिस तालिम प्रदान गरिएको छ । 

लमजुङ फिल्ड कार्यालय व्यवस्थापन उपसमिति सदस्य महेन्द्र लाल श्रेष्ठको अध्यक्षतामा तालिमको सुरुवात भएको थियो । उपसमिति सदस्य महेन्द्रलाल श्रेष्ठले सहकारीहरुले कोपोमिसको युजर नेम र पासवर्ड लिएर समष्टिगत विवरण भरी सबमिसन नं लिएपछि मात्रै कर चुक्ता प्रमाणमत्र लिनसकिने हुँदा समयमै सहकारीका विवरणहरु कोपोमिस प्रणालीमा प्रविष्टि गर्न सहभागी सबैमा अनुरोध गर्नुभएको थियो । 

सहकारी विभागले जारी गरेको सूचना सम्पूर्ण सहकारी संघ संस्थाले पालना गनुपर्ने र सहकारी सम्बन्धी वास्तविक तथ्यांक राज्यलाई दिनुपर्ने भएकोले सबै सहकारी संस्थाले कोपोमिसमा आफ्ना सहकारीको वास्तविक तथ्यांक भर्नुपर्नेमा जोड दिनुभएको थियो ।

तालिममा लमजुङका २९ साकोस र तनहुँको १ साकोसबाट गरी ३५ जनाको सहभागिता रहेको थियो । तालिम सहजीकरण नेफ्स्कूनका सूचना प्रविधि अधिकृत राजन सुवेदी र व्यवस्थापन सहजीकरण लमजुङ फिल्ड कार्यालयका ईन्चार्ज विनोद ढकालले गर्नुभएको थियो ।