काठमाडौं । नवसृजनशिल बचत तथा ऋण सहकारी संस्था लि. को आयोजना र नेफ्स्कूनको प्राविधिक सहजीकरणमा प्रोबेसन बागमती पाँचौं क्लष्टरको दोस्रो कार्यकुशलता तथा सिकाई व्यवस्थापन कार्यशाला सम्पन्न भएको छ ।
नवसृजनशिल साकोसका अध्यक्ष विश्वनाथ अर्यालको अध्यक्षतामा हिजो आयोजित कार्यक्रममा प्रमुख अतिथि राष्ट्रिय सहकारी महासंघका पूर्व अध्यक्ष केशव प्रसाद बडाल, विशेष अतिथि नेफ्स्कूनका अध्यक्ष परितोष पौड्याल हुनुहुन्थ्यो ।
प्रमुख अतिथि केशव प्रसाद बडालले सहकारी इतिहासका विगत देखि बर्तमान सम्मका उतार चडाब र अभियानको अवको गन्तव्यका सन्दर्भमा रोचक प्रशंग उल्लेख गर्नुभएको थियो । डिजीटाईजेसन र डिजिटल ट्रान्सफरमेसन को अवधारणामा विश्व बजार सँगै नेपालको सहकारी अभियान पनि अघि बढ्नुपर्नेमा उहाँको जोड रहेको थियो ।
नेफ्स्कूनका अध्यक्ष परितोष पौड्यालले सहकारीले प्रदान गर्ने सेवालाई परिष्कृत गर्दै प्रविधि मैत्री बनाउनु पर्ने, नगदरहित सेवा प्रवाहका लागि आवश्यक क्षमता विकास गराउनु पर्ने, बजारको स्वरूप र प्रकृतिमा परिवर्तन देखापर्दै गएकोले सोका लागि सहकारी तयार रहनुपर्नेमा जोड दिनुभएको थियो । उहाँले सहकारी अभियानमा Mobile Money अवधारणाको विकास गर्नुपर्ने आवश्यकता औल्याउँदै नेफ्स्कूनले सुरुवात गर्न लागिरहेको एकीकृत प्रविधि सेवाले साकोस अभियानलाई मर्यादित र प्रविधिमैत्री बनाउन योगदान पुग्ने विश्वास लिएको बताउनुभयो ।
नवसृजनशिल साकोसका सचिव सालीकराम पौडेलले कार्यक्रम सञ्चालन गर्नुभएको थियो भने कार्यक्रम सहजीकरण नेफ्स्कूनका बरिष्ठ अधिकृत भरत प्रसाद न्यौपानेले गर्नुभएको थियो ।
कार्यक्रममा नवसृजनशिल साकोस काठमाडौं, बेथानचोक नारी चेतना साकोस काभ्रे, अग्नी साकोस काभ्रे, राधास्वामी साकोस काठमाडौं, ज्योतीपुञ्ज साकोस काठमाडौ, फोकस साकोस काठमाडौं, उद्देश्य साकोस काठमाडौबाट साकोस प्रतिनिधिहरुको सहभागिता रहेको थियो ।