बनेपा । नेफ्स्कून बनेपा फिल्ड कार्यालयको आयोजनामा काभ्रेको बनेपामा आजबाट उच्चस्तरीय लेखा व्यवस्थापन तालिम सुरु भएको छ । तालिममा काभ्रेपलाञ्चोक, सिन्धुपाल्चोक र रामेछाप जिल्लाबाट गरी २० बचत तथा ऋण सहकारी संस्थाका २२ जना लेखा अधिकृत एवं लेखापाल कर्मचारीहरुको सहभागिता रहेको छ ।
५ दिनसम्म चल्ले उक्त तालिमको सहजीकरण नेफ्स्कूनका तालिम अधिकृत उमेश कोइराला र अनुगमन अधिकृत दिपक अर्यालले गर्नुहुनेछ । तालिम कार्यक्रम सञ्चालन बनेपा फिल्ड कार्यालय इन्चार्ज राम प्रसाद सापकोटाले गर्नुभएको थियो ।