स्तरीकरण कार्यक्रममा सहभागी साकोसहरुको स्थिरीकरण कोषप्रतिको जवाफदेहिता बढ्दो 

काठमाडौं । ललितपुरको लुभुमा रहेको कल्याणकारी बचत तथा ऋण सहकारी संस्था लि. स्थिरीकरण कोषमा  सहभागी भएको छ । एसियाली स्तरको गुणस्तर प्रमाणीकृत कार्यक्रम एक्सेसमा आबद्ध साकोस कल्याणकारीले आज कोषका लागि छुट्याएको  योगदान रकम जम्मा गरेको हो । स्थिरीकरण कोष सञ्चालनको संघारमा रहेका बेला पछिल्लो समय स्तरीकरण कार्यक्रममा सहभागी साकोसहरुको कोष प्रतिको जवाफदेहिता बड्दो देखिएको छ । लुभुस्थित कार्यालयमा आज आयोजित एक संक्षिप्त भेटघाटका बीच साकोसका अध्यक्ष देवी श्रेष्ठ, प्रमुख कार्यकारी अधिकृत कुमार खत्री र नेफ्स्कूनको तर्फबाट व्यवसाय विभाग प्रमुख दुर्गाप्रसाद ढकाल र बरिष्ठ अधिकृत नविनराज दाहालको उपस्थितिमा योगदान रकम कोषमा जम्मा गरिएको थियो । 

कोषमा हालसम्म १९४ साकोसबाट ७ करोड भन्दा बढी योगदान रकम जम्मा भएको छ ।