बनेपामा अग्रभागका कर्मचारीहरुको क्षमता विकास तालिम सुरु

काठमाडौं । नेफ्स्कून बनेपा फिल्ड कार्यालयको आयोजनामा अग्रभागका कर्मचारीहरुको क्षमता विकाससम्बन्धी २ दिने तालिम आज बनेपामा सुरु भएको छ । तालिममा काभ्रे र सिन्धुपाल्चोक जिल्लाका १७ साकोका ३७ जनाको सहभागिता छ । नेफ्स्कूनका तालिम अधिकृत रविन्द्र श्रेष्ठले सहजीकरण गर्नुभएको तालिमको उद्घाटन सत्र सञ्चालन बनेपा फिल्ड कार्यालय इन्चार्ज राम प्रसाद सापकोटाले गर्नुभएको थियो ।