सुर्खेतको वीरेन्द्रनगरमा जारी कर्णाली प्रदेशस्तरीय साझा सेवाहरुको सबलीकरण तथा सञ्जाल निर्माण अभियानको दोस्रो तथा अन्तिम दिन प्रदेशका सबै जिल्लाबाट सहभागीहरुबीच समूहगत छलफल जारी रहेको छ । सहभागीहरुलाई विभिन्न समूहमा विभक्त गरी बिहानबाट छलफल सत्र चलाइएको हो । छलफल सहजीकरण नेफ्स्कूनका प्राचार्य गणेशप्रसाद तिमल्सिनाले गर्नुभएको छ ।
World Cafe Method मा आधारित रहेर निर्माण गरिएका डेढ दर्जन प्रश्नावलीहरुमा कार्यक्रमको विषयवस्तुमा सर्वेक्षण गरिनेछ । समूहगत छलफलमा नेफ्स्कूनले लिएको रणनीतिलाई आधार मानेर ५ प्रमुख सवालहरुः आबद्धता, एकीकरण तथा साझा बजारीकरण, बहस, पैरवी तथा कार्य कुशलता, साझा सेवाहरु, प्रविधि र साझेदारी, सुशासन तथा स्तरीकरण र वित्तीय सेवाहरुमा सहभागीहरुलाई विभक्त गरी पहिलो चरणमा १५ मिनेट, दोस्रोदेखि चौथो चरणको प्रत्येक छलफल ७ मिनेटको गरी छलफल गरिनेछ । सबै छलफल सकिएपछि प्रत्येक समूहका लीडरबाट प्राप्त सामूहिक निष्कर्षलाई सदस्यहरुबाट प्राप्त सुझावको रुपमा नेफ्स्कूनले स्वीकार गर्ने गरी कार्यक्रम तय भएको छ ।