बागमती प्रदेशस्तरीय साझा सेवाहरुको सबलीकरण तथा सञ्जाल निर्माण अभियानको दोश्रो दिन समूहगत छलफल (तस्बिरहरुसहित)

चितवन । नेफ्स्कूनले चितवनमा आयोजना गरेको बागमती प्रदेशस्तरीय साझा सेवाहरुको सबलीकरण तथा सञ्जाल निर्माण अभियान को दोस्रो तथा अन्तिम दिन आज प्रदेशभित्रका विभिन्न जिल्लाबाट सहभागी साकोसका अध्यक्ष तथा व्यवस्थापन प्रमुखहरुबीच समूहगत छलफल कार्यक्रम आयोजना गरिएको छ । सहभागीहरुलाई विभिन्न समूहमा विभक्त गरी बिहानबाट छलफल सत्र चलाइएको जानकारी हो । छलफलको सहजीकरण नेफ्स्कूनका प्रशासन तथा समन्वय विभाग प्रमुख सञ्जयराज तिमिल्सनाले गर्नुभएको छ ।

World Cafe Method मा आधारित रहेर निर्माण गरिएका डेढ दर्जन प्रश्नावलीहरुमा कार्यक्रमको विषयवस्तुमा सर्वेक्षण गरिनेछ । समूहगत छलफलमा नेफ्स्कूनले लिएको रणनीतिलाई आधार मानेर ५ प्रमुख सवालहरुः आबद्धता, एकीकरण तथा साझा बजारीकरण, बहस, पैरवी तथा कार्य कुशलता, साझा सेवाहरु, प्रविधि र साझेदारी, सुशासन तथा स्तरीकरण र वित्तीय सेवाहरुमा सहभागीहरुलाई विभक्त गरी पहिलो चरणमा १५ मिनेट, दोस्रोदेखि चौथो चरणको प्रत्येक छलफल ७ मिनेटको गरी छलफल गरिनेछ । सबै छलफल सकिएपछि प्रत्येक समूहका लीडरबाट प्राप्त सामूहिक निष्कर्षलाई सदस्यहरुबाट प्राप्त सुझावको रुपमा नेफ्स्कूनले स्वीकार गर्ने गरी कार्यक्रम तय भएको छ ।