बजरंगबली साकोसको संस्थागत विकास तालिम सम्पन्न

नगरकोट । मध्यपुर थिमि वडा नं. १ लोहकिन्थलीस्थित बजरंगबली साकोसको संस्थागत विकास तालिम आज सम्पन्न भएको छ । माघ ८ देखि १० सम्म भक्तपुरको नगरकोटमा सञ्चालित उच्चस्तरीय तालिममा २० जनाको सहभागिता थियो । समापन समारोहमा संस्थाको गतिविधिका सम्बन्धमा व्यवस्थापक सन्तकृष्ण हेक्काले धारणा राख्नुभएको थियो । तालिम सहजिकरण नेफ्स्कूनका प्राचार्य गणेश प्रसाद तिमल्सिना र तालिम अधिकृत उमेश कोइरालाले गर्नुभएको थियो । संस्थाका अध्यक्ष अष्ट कुमार कवेले तालिममा सिकेको कुरा र तयार पारिएको कार्ययोजना व्यवहारमा लागु गर्ने प्रतिबद्धता व्यक्त गर्नुभएको थियो । तालिम सहभागीहरुले संस्था संचालनका लागि तालिम अत्यन्त उपलब्धिमूलक रहेको बताउनुभएको थियो । नेफ्स्कूनका प्राचार्य तिमल्सिनाले सहभागीहरुलाई प्रमाण पत्र वितरण गर्नुभएको थियो ।