सोमबार, असार ४
१२:५०

भारतीय सहकारी मन्त्रीमा फेरि अमित शाह 

सोमबार, जेठ २८
एजेन्सी
saccosaawaj

नयाँ दिल्ली । भारतको सहकारी मन्त्रीमा अमित शाह पुनः नियुक्त हुनुभएको छ । प्रधानमन्त्री नरेन्द्र मोदीले आफ्ना विश्वास पात्र शाहलाई नयाँ मन्त्रिपरिषद्मा सहकारी मन्त्रालयको जिम्मा दिनुभएको हो । शाहलाई प्रभावशाली मानिएको गृह मन्त्रालयसँगै सहकारी मन्त्रालयको पनि जिम्मा दिइएको हो । हिजो तेस्रो पटक भारतको प्रधानमन्त्रीको शपथ लिएसँगै नरेन्द्र मोदीले हिजै मन्त्रिपरिषद्लाई पूर्णता दिनुभएको हो । यद्यपि, मन्त्रालयको बाँडफाँड भने आज मात्र गरिएको हो ।

यसअघि मोदी नेतृत्वकोे दोस्रो कार्यकालमा पनि शाह नै गृह र सहकारी मन्त्री रहनुभएको थियो । भारत सरकारले सहकारी क्षेत्रलाई उच्च प्राथमिकता दिदैं सन् २०२१ को जुलाई ६ मा छुट्टै सहकारिता मन्त्रालय गठन गरेको थियो । उक्त मन्त्रालयको पहिलो मन्त्री शाह नियुक्त हुनुभएको थियो भने राज्य मन्त्रीको जिम्मा विएल वर्मालाई प्रदान गरिएको थियो ।  

प्रधानमन्त्री नरेन्द्र मोदी नेतृत्वको नयाँ मन्त्रिपरिषद् ७२ सदस्यीय बनेको भारतीय सञ्चारमाध्यमहरुले जनाएका छन् । हिजो मात्र नरेन्द्र मोदीले प्रधानमन्त्री पद तथा गोपनीयताको शपथ लिनुभएको थियो । उहाँ तेस्रो पटक भारतको प्रधानमन्त्री निर्वाचित हुनुभएको हो ।

भारतमा हालै सम्पन्न १८औं लोकसभा निर्वाचनमार्फत सरकार निर्माणको जिम्मेवारी पाएको भारतीय जनता पार्टी (भाजपा) नेतृत्वको गठबन्धन एनडिएका नेताहरूले दलको नेताका रूपमा मोदीलाई नियुक्त गरेको जानकारी गराएपछि मोदी प्रधानमन्त्री नियुक्त हुनुभएको थियो ।
 

saccosaawaj media

नेफ्स्कून सम्मान तथा पुरस्कार घोषणा

आईतबार, साउन ३२

नेफ्स्कून सम्मान तथा पुरस्कार घोषणा

saccosaawaj media

रणनीतिक नेतृत्व विषयक अन्तर्राष्ट्रिय भर्चुअल सत्र हुँदै 

मंगलबार, भदौ २

नेपालमा हाल १९ वटा सिस्टर सोसाईटी छन् । आज भन्दा ३ वर्ष अघि सन् २०१७ को जुलाई ४ मा गठन भएको नेफ्स्कून च्याप्टर पहिलो सिस्टर सोसाईटी हो भने २०२० अगष्ट मा थप ६ सँगै नेपालमा सिस्टर सोसाईटीहरुको संख्या १९ पुगेको हो ।

saccosaawaj media

राष्ट्रकविप्रति सहकारीकर्मीहरुको शब्दसुमनः राष्ट्रले निधि गुमायो

बुधबार, भदौ ३

सहकारीकर्मीहरुले राष्ट्रकविको निधनप्रति गहिरो शोक व्यक्त गर्दै राष्ट्रले अमुल्य निधि गुमाएको धारणा राख्नुभएको छ । सहकारी र साहित्य दुवै समाजको उन्नयनसँग जोडिएको भन्दै उहाँहरुले नेपाली साहित्य त्यसमा पनि विशेषतः काव्य र गीति जगतले एक सिद्धहस्त शिल्पी गुमाएको भन्दै श्रद्धाभाव व्यक्त गर्नुभएको छ ।