मंगलबार, मंसीर ९
०३:०३

नेफ्स्कूनको २९ औं साधारणसभा अन्तर्गत प्रदेशस्तरीय बिस्तारित मञ्च आजबाट सुरु, विराटनगरमा कार्यक्रम हुँदै 

आईतबार, कात्तिक २३
साकोसआवाज प्रतिनिधि
saccosaawaj

काठमाडौं । नेपाल बचत तथा ऋण केन्द्रीय सहकारी संघ लि. (नेफ्स्कून) को २९ औं वार्षिक साधारणसभा अन्तर्गत सातै प्रदेशमा आयोजना गरिने बिस्तारित मञ्चका कार्यक्रम आजबाट सुरु भएको छ । यस अन्तर्गत आज कार्तिक २३ गते आइतबार प्रदेश नं १ को राजधानी विराटनगरमा बिस्तारित मञ्चको कार्यक्रम सुरु भएको छ । 
 कोभिड–१९ को महामारीका बीच सदस्यको निर्णायक सभालाई सार्थक, विश्वसनीय, सहभागितामूलक र प्रजातान्त्रिक बनाउने अभियानसहित वित्तीय सहकारीहरुको मुलुकको एक मात्र केन्द्रीय निकायले सातै प्रदेशमा भौतिक एवम् अभौतिक बिस्तारित मञ्चको कार्यक्रम तय गरेको हो । कार्यक्रममा सहभागिताका लागि नेफ्स्कूनका अध्यक्ष परितोष पौड्याल, उपाध्यक्ष शान्ति अधिकारी, महासचिव दामोदर अधिकारी, लेखा सुपरिवेक्षण समिति संयोजक नवराज सापकोटा र व्यवसाय तथा प्रशासन विभाग प्रमुख सञ्जयराज तिमल्सिना सहितको टोली हिजो  साँझ बिराटनगर पुगेको थियो भने बरिष्ठ उपाध्यक्ष चन्द्रप्रसाद ढकाल र कोषाध्यक्ष दिपक पनेरु आज बिहान पुग्नुभएको हो । स्वास्थ्य मापदण्ड परिपालनाका साथ आयोजना गरिएको कार्यक्रममा सीमित भौतिक उपस्थिति रहेको छ भने अभौतिक रुपमा जुम एप्लिेकशनबाट पनि सहभागिता रहेको छ ।

यसअघि आजै बिहान नेफ्स्कूनको विराटनगरस्थित सेवा केन्द्रको उद्घाटन भएको छ । नेफ्स्कूनका अध्यक्ष पौड्यालले उद्घाटन गर्नुभएको कार्यक्रममा संघ सञ्चालक समितिका पदाधिकारीहरु, लेखा सुपरिवेक्षण समिति संयोजक सहित सञ्चालकहरुको उपस्थिति थियो । सदस्य संघ संस्थाहरुको मागलाई सम्बोधन गर्दै नेफ्स्कूनले विराटनगरमा सेवा केन्द्र सञ्चालनमा ल्याएको हो । 

साधारण सभा अन्तर्गत कार्तिक २४ गते प्रदेश नं २, कार्तिक २५ गते बागमती प्रदेश, २६ गते गण्डकी प्रदेश, २७ गते लुम्बिनी प्रदेश, मंसिर २ गते कर्णाली प्रदेश र ३ गते सुदूरपश्चिम प्रदेशमा  बिस्तारित मञ्चका कार्यक्रम तय भएका छन् भने साधारण सभाका निर्णयहरु एकीकरण गर्ने अन्तिम बैठक मंसिर ५ गते काठमाडौंमा आयोजना हुने छ । 

नेफ्स्कूनले सबै बिस्तारित मञ्चहरुमा तत्तत् प्रदेश अन्तर्गतका सदस्य संघ संस्थाहरुबाट सक्रिय सहभागिताका लागि हार्दिक अनुरोध गरेको छ । कोभिड १९ को विषम् परिस्थितिकाबीच सम्भव भएसम्म भौतिक र नभएको अवस्थामा अभौतिक माध्यमबाट भएपनि मञ्चमा सहभागिता जनाई संघको वार्षिक प्रतिवेदन, भावी नीति तथा कार्यक्रम, लेखा परिक्षण प्रतिवेदन र लेखा सुपरिवेक्षण समितिको प्रतिवेदन लगायतमा रचनात्मक र सुधारात्मक सल्लाह र सुझावको लागि नेफ्स्कूनले सम्बद्ध सबैसँग आग्रह गरेको हो । 

saccosaawaj media

अध्ययन भन्छः सहकारीमा बचत, तरलता र सम्पत्ती बढ्यो, लगानी २...

सोमबार, साउन ५

अध्ययन भन्छः सहकारीमा बचत, तरलता र सम्पत्ती बढ्यो, लगानी २ प्रतिशतले घट्यो

saccosaawaj media

तीन जिल्लामा साकोस अभियानको छवी संक्षरण र विकासमा संघको भूमिका...

आईतबार, साउन २५

तीन जिल्लामा साकोस अभियानको छवी संक्षरण र विकासमा संघको भूमिका विषयक अन्तरक्रिया

saccosaawaj media

अभियानका शीर्षस्थ निकायहरूमा भक्तपुर बचत संघले बुझायो ज्ञापनपत्र

आईतबार, साउन २५

अभियानका शीर्षस्थ निकायहरूमा भक्तपुर बचत संघले बुझायो ज्ञापनपत्र