मंगलबार, फागुन १५
०१:२३

जर्मन राजदूत प्रिञ्जद्वारा नेफ्स्कून–डिएसआईके समझदारीको स्वागत

मंगलबार, मंसीर १९
साकोसआवाज प्रतिनिधि
saccosaawaj

काठमाडौं । नेपालका लागि जर्मनीका राजदूत डा. थोमस प्रिञ्जले नेफ्स्कून–डिएसआइकेमार्फत नेपालको वित्तीय सहकारी अभियानको दिगो विकास र सक्षमता अभिवृद्धिका लागि भएको सझदारीको स्वागत गर्नुभएको छ । उहाँले नेपाली बचत ऋण सहकारी अभियानको शीर्ष निकाय नेफ्स्कूनमार्फत वित्तीय सहकारीहरुलाई सीप, तालिम, शिक्षा लगायतका प्राविधिक सहयोग एवम् नीतिगत बहसपैरवीमा सहजीकरण उपलब्ध गराउने जर्मन बचत बैंकहरुको शीर्ष सञ्जाल–डिएसआईकेको कदमको प्रशंसा गर्नुभएको हो । यस दिशामा नेफ्स्कून–डिएसआईकेबीच हालै सम्पन्न द्धिपक्षीय समझदारीप्रति राजदूत प्रिञ्जले प्रसन्नता व्यक्त गर्नुभएको हो ।

७ सदस्यीय जर्मन सेभिङ्स बैंक (डिएसआईके) टोलीले नेपाल भ्रमण सम्पन्न गर्नुअघि काठमाडौंस्थित दूतावासमा राजदूत प्रिञ्जसँग भेटवार्ता गरेको थियो । उक्त भेटमा टोलीले द्धिपक्षीय समझदारी अनुरुप सन् २०२७ सम्म सञ्चालन गरिने गतिविधिहरुबारे अवगत गराएको थियो । त्यस अवसरमा जर्मन राजदूत प्रिञ्जले डिएसआईकेले नेपाली वित्तीय सहकारी अभियानको सहयोगका लागि व्यक्त गरेको प्रतिबद्धताको खुलेर प्रशंसा गर्नुभएको थियो । उहाँले भन्नुभयो, ‘हिमाली मुलुक नेपालका नागरिकहरुलाई दिगो जर्मन सहयोगको यो सबैभन्दा प्रभावकारी तरिका हो ।’ साथै उहाँले नेफ्स्कून–डिएसआईके समझदारीलाई सार्थक तुल्याउन आफ्नो तर्फबाट खेल्ने भूमिकामा कुनै कसर बाँकी नराख्ने प्रतिबद्धता समेत व्यक्त गर्नुभयो । उहाँले यसका लागि आवश्यक सबै सञ्जाल र सम्पर्कहरु स्थापना गर्न दुतावास सकारात्मक रहेकोमा आश्वस्त तुल्याउनुभयो ।

भेटका अवसरमा टोली नेता इलोन्का रुहेल तथा लाउरा स्कियालोले राजदूत प्रिञ्जलाई नेपाल बचत तथा ऋण केन्द्रीय सहकारी संघ लि. (नेफ्स्कून) मार्फत नेपालको वित्तीय सहकारी अभियानको क्षमता अभिवृद्धिका लागि भएका समझदारीबारे राजदूतलाई अवगत गराउनुभएको थियो । नेफ्स्कून र डिएसआईकेबीच यही मंसिर १४ गते द्धिपक्षीय समझदारी भएको थियो ।

saccosaawaj media

नेफ्स्कून सम्मान तथा पुरस्कार घोषणा

आईतबार, साउन ३२

नेफ्स्कून सम्मान तथा पुरस्कार घोषणा

saccosaawaj media

रणनीतिक नेतृत्व विषयक अन्तर्राष्ट्रिय भर्चुअल सत्र हुँदै 

मंगलबार, भदौ २

नेपालमा हाल १९ वटा सिस्टर सोसाईटी छन् । आज भन्दा ३ वर्ष अघि सन् २०१७ को जुलाई ४ मा गठन भएको नेफ्स्कून च्याप्टर पहिलो सिस्टर सोसाईटी हो भने २०२० अगष्ट मा थप ६ सँगै नेपालमा सिस्टर सोसाईटीहरुको संख्या १९ पुगेको हो ।

saccosaawaj media

राष्ट्रकविप्रति सहकारीकर्मीहरुको शब्दसुमनः राष्ट्रले निधि गुमायो

बुधबार, भदौ ३

सहकारीकर्मीहरुले राष्ट्रकविको निधनप्रति गहिरो शोक व्यक्त गर्दै राष्ट्रले अमुल्य निधि गुमाएको धारणा राख्नुभएको छ । सहकारी र साहित्य दुवै समाजको उन्नयनसँग जोडिएको भन्दै उहाँहरुले नेपाली साहित्य त्यसमा पनि विशेषतः काव्य र गीति जगतले एक सिद्धहस्त शिल्पी गुमाएको भन्दै श्रद्धाभाव व्यक्त गर्नुभएको छ ।