शुक्रबार, कात्तिक ७
०५:०१

बीसीपी कार्यशालाका सहभागीहरुको प्रमाणीकरण सम्पन्न 

बुधबार, असोज २८
साकोसआवाज प्रतिनिधि
saccosaawaj

काठमाडौं । नेफ्स्कूनले महामारीमा संस्था सञ्चालनका लागि अत्यवाश्यक व्यवसाय निरन्तरता योजना (बीसीपी) कार्यशाला गोष्ठीमा सहभागी ५ जिल्लाका साकोस प्रतिनधिहरुको प्रमाणीकरण कार्यक्रम आज सम्पन्न गरेको छ । गत भदौं २३ गतेदेखि २५ गतेसम्म सञ्चालित भर्चुअल बीसीपी कार्यशाला गोष्ठीका सहभागी काठमाडौं उपत्यकाका ३ जिल्लासहित काभ्रे र मकवानपुर अन्तर्गत नेफ्स्कूनको गुणस्तर सुनिश्चिता प्रमाणीकरण राष्ट्रिय कार्यक्रम प्रोबेशनमा आबद्ध साकोसका प्रतिनिधिहरुको प्रमाणीकरण कार्यक्रम आज भर्चुचल रुपमै गरिएको हो । 

गोष्ठीमा सहभागीहरुले आ–आफ्नो संस्थाको व्यवसाय निरन्तरता योजना निर्माण सम्पन्न गरेपछि प्रमाणीकृत गरिएको हो । गोष्ठीमा कोभिड १९ ले सदस्य, संस्था र कर्मचारीमा पारेको प्रभाव विश्लेषण, सम्भावित जोखिम, जोखिमको स्तर निर्धारण, जोखिम न्यूनिकरणको उपायहरुको बारेमा छलफल भएको थियो । त्यसैका आधारमा सहभागीहरुले संस्थाको बीसीपी निर्माण गर्नुभएको थियो । 

आज आयोजित प्रमाणीकरण कार्यक्रममा नेफ्स्कूनका कामु प्रमुख कार्यकारी अधिकृत प्रकाश प्रसाद पोखरेलले बीसीपी बनाउँदा सदस्य, कर्मचारी र संस्थागत विषयहरुमा सुक्ष्म विश्लेषण गरिने भएकोले जटिल भएपनि बनाउन अत्यावश्यक रहेको जानकारी गराउनुभएको थियो । बीसीपी तयार मात्र नभइ परिक्षण पनि आवश्यक भएको भन्दै उहाँले असहज परिस्थितिमा यसको कार्यान्वयन आवश्यक भएको बताउनुभयो ।  व्यक्त गर्दे बनाउन सफल हुनुभएका सम्पूर्ण साकोसका सहभागिहरुलाई शुभकामना व्यक्त गर्नु भएको थियो । सहभागिहरुले बीसीपी निर्माणको अनुभवहरु सुनाउनुभएको थियो ।  

नेफ्स्कूनका सदस्य सेवा विभाग प्रमुख दुर्गा प्रसाद ढकालले पनि बीसीपी बनाउन सफल साकोसहरुलाई बधाई तथा आभार व्यक्त गर्नु भएको थियो । व्यावसाय निरन्तरता योजना असमान्य अवस्थामा अत्यावश्यक रहेको प्रकाश पार्दै उहाँले सदस्यहरुलाई निरन्तर सेवा दिनु पर्नेमा जोड दिनु भएको थियो । बीसीपी निर्माण गर्दा दिर्घकालीन रुपमा सम्पूर्ण क्षेत्रलाई समेट्नुपर्ने बताउनु भएको थियो । कार्यक्रम सञ्चालन र प्रस्तुतिकरण नेफ्स्कूनका कार्यक्रम अधिकृत कोमल राज अधिकारीले गर्नु भएको थियो । 


 

saccosaawaj media

अध्ययन भन्छः सहकारीमा बचत, तरलता र सम्पत्ती बढ्यो, लगानी २...

सोमबार, साउन ५

अध्ययन भन्छः सहकारीमा बचत, तरलता र सम्पत्ती बढ्यो, लगानी २ प्रतिशतले घट्यो

saccosaawaj media

तीन जिल्लामा साकोस अभियानको छवी संक्षरण र विकासमा संघको भूमिका...

आईतबार, साउन २५

तीन जिल्लामा साकोस अभियानको छवी संक्षरण र विकासमा संघको भूमिका विषयक अन्तरक्रिया

saccosaawaj media

अभियानका शीर्षस्थ निकायहरूमा भक्तपुर बचत संघले बुझायो ज्ञापनपत्र

आईतबार, साउन २५

अभियानका शीर्षस्थ निकायहरूमा भक्तपुर बचत संघले बुझायो ज्ञापनपत्र