शुक्रबार, कात्तिक ७
०६:०९

दाङस्थित बिहानी साकोसको साधारण सभाद्वारा सर्वसम्मत सञ्चालक र लेखा सुपरिवेक्षण समिति चयन  

बुधबार, असोज २८
साकोसआवाज प्रतिनिधि
saccosaawaj

दाङ । जिल्लाको राप्ती गाउँपालिका स्थित बिहानी बचत तथा ऋण सहकारी संस्था लि. को १२ औ वार्षिक साधारण सभा पुनः देब प्रसाद चौधरीको नेतृत्वमा सञ्चालक र ठाकुर प्रसाद सुवेदीको संयोजकत्वमा लेखा सुपरिवेक्षण समिति चयन गर्दै सम्पन्न भएको छ । हिजो आयोजित सभाले आगामी ४ वर्षका लागि चौधरीको अध्यक्षतामा ९ सदस्यीय सञ्चालक समिति र सुवेदीको संयोजकत्वमा ३ सदस्यीय लेखा सुपरीवेक्षण समिति सर्मसम्मत चयन गरेको हो ।  उपाध्यक्ष कर्णबहादुर ज्ञवाली, सचिव बिष्णुप्रसाद चौधरी, कोषाध्यक्ष पृथ्वीपाल चौधरी र सदस्यहरुमा देवका केसी, मिट्ठु चौधरी, तपेश्वर चौधरी, जिवराज भट्टराई र टीका चौधरी सर्वसम्मत हुनुभएको हो भने लेखा सुपरिवेक्षण समिति सदस्यहरुमा छविलाल चौधरी र सत्यनारायण चौधरी चयन हुनुभएको छ ।  

आश्विन २३ गते देखि सुरु साधारण सभाको कार्यक्रम आश्विन २७ गते एक समारोहका साथ सम्पन्न गरिएको थियो । समापन कार्यक्रमका प्रमुख अतिथि राप्ती गाउँपालिका वडा नं ५ का वडाध्यक्ष गोर्बधन रावतले अब सहकारीहरु एक भएर अघि बढ्नुको बिकल्प नरहेको बताउनु भयो । राप्ती गाउँपालिकामा एउटा ठूलो र बलियो सहकारी बनाएर सदस्य सेवा दिनु पर्नेतर्फ सबै सहकारीकर्मीहरुको ध्यान जानुपर्ने उहाँले बताउनुभयो । कार्यक्रममा सल्लाहकार बामदेव चौधरी र रामदेव के.सी लगायतले संस्थाको सफलताको शुभकामना दिनु भएको थियो । 

कोभिड १९ महामारीको बढ्दो संक्रमणका बीच स्वास्थ्य सतर्कता र भौतिक दुरी सहित सरोकारवाला निकायबाट जारी साधारणसभा सञ्चालन सम्बन्धि निर्देशिका पालना गर्दै सदस्यको सर्बेाच्चता र प्रजातान्त्रिक नियन्त्रण प्रणाली मार्फत सदस्यहरुको सर्बोच्च सभा साधारणसभा सफलतापूर्वक सम्पन्न भएको संस्थाका अध्यक्ष देब प्रसाद चौधरीले जानकारी गराउनु भयो । साकोसको २०७७ आश्विन ७ गतेको सञ्चालक समितिको बैठकको निर्णय बाट साधारण सभाको तयारी, लेखा परिक्षण, प्रतिवेदन छपाई, महामारीमा साधारणसभा सञ्चालन सम्बन्धी कार्यबिधि २०७७ निर्माण सहित साधारण सभाको प्रारम्भ भएको थियो । साथै साधारणसभा कार्यदल गठन गरी भौतिक रुपमै सदस्य घरदैलो कार्यक्रम मार्फत वडा वडा मा प्रतिवेदन वितरण तथा सुझाव संकलन गरी भौतिक र अभौतिक मिश्रित पद्धति मार्फत साधारण सभाका सम्पूर्ण प्रकृयाहरु पुरा गरिएको थियो ।  

वडाहरुबाट माइनुट प्रमाणितका लागि छनौट भएका सदस्यहरुको उपस्थितिमा भौतिक दूरी सहित साधारण सभा सम्पन्न भएको संस्थाका अध्यक्ष चौधरीले जानकारी गराउनु भयो । ७ सय सदस्य रहेको साकोसको साधारण सभामा ५१.१४ प्रतिशत सदस्यहरुको उपस्थिति थियो । साधारण सभाले साकोस एकरुपता प्रणालीको अबलम्बन, बिचार मिल्ने सहकारी सँग एकीकरण, सुलभ कर्जा प्रवाहमा जोड, विभिन्न ५ वटा निति अनुमोदनका साथै कार्यक्षेत्र विस्तारका लागि विनियम संशोधन तथा पुर्नलेखनको प्रस्ताव समेत पास गरेको छ । समापन कार्यक्रममा उपाध्यक्ष कर्णबहादुर ज्ञवालीले स्वागत मन्तव्य राख्नुभएको थियो भने कार्यक्रम सञ्चालन व्यवस्थापक बालिका शर्माले गर्नुभएको थियो ।

saccosaawaj media

अध्ययन भन्छः सहकारीमा बचत, तरलता र सम्पत्ती बढ्यो, लगानी २...

सोमबार, साउन ५

अध्ययन भन्छः सहकारीमा बचत, तरलता र सम्पत्ती बढ्यो, लगानी २ प्रतिशतले घट्यो

saccosaawaj media

तीन जिल्लामा साकोस अभियानको छवी संक्षरण र विकासमा संघको भूमिका...

आईतबार, साउन २५

तीन जिल्लामा साकोस अभियानको छवी संक्षरण र विकासमा संघको भूमिका विषयक अन्तरक्रिया

saccosaawaj media

अभियानका शीर्षस्थ निकायहरूमा भक्तपुर बचत संघले बुझायो ज्ञापनपत्र

आईतबार, साउन २५

अभियानका शीर्षस्थ निकायहरूमा भक्तपुर बचत संघले बुझायो ज्ञापनपत्र