ब्रसेल्स । विश्व सहकारीको साझा मञ्च अन्तराष्ट्रिय सहकारी महासंघ (आइसीए) मा ६ नयाँ सदस्य थपिएका छन् । यो सँगै अब आइसीएमा १ सय ९ देशका गरी कुल सदस्य संख्या ३ सय ११ पुगेको छ । पछिल्लो केही महिनामा यी नयाँ सदस्यहरु थपिएको जानकारी आइसीएले हालै मात्र सार्वजनिक गरेको हो ।
आइसीएमा सबैभन्दा बढी सदस्य एसिया प्रशान्त क्षेत्रका राष्ट्रबाट प्रतिनिधित्व छ । यस क्षेत्रका ३२ मुलुकका १ सय ८ सदस्य छन् । त्यसैगरी, उत्तर र दक्षिण अमेरिकालाई संयुक्त रुपमा जनाइएको अमेरिका क्षेत्रका २४ राष्ट्रबाट ९७, अफ्रिकाका २३ मुलुकबाट ३६ र युरोपका ३२ मुलुकबाट ६७ सदस्य छन् ।
आइसीएमा नवप्रवेशीहरुः
१. माल्टा कोअपरेटिभ फेडरेशन (माल्टा)
२. बार्बडोज कोअपरेटिभ बिजनेश एशोसिएसन (बार्बडोज)
३.फेडरेशन डि कोअपरेटिभाज् डि अहोरो क्रेडिटो लिमिटेडा (पाराग्वे)
४. यूएस ओभरसिज् कोअपरेटिभ डेभलेपमेन्ट काउन्सिल (अमेरिका)
५. फुजियन फेडेरेशन अफ सप्लाइ एण्ड मार्केटिङ् कोअपरेटिभ (चीन)
६. जियाङ्सु सप्लाई एण्ड मार्केटिङ् जेनेरल कोअपरेटिभ (चीन)