शनिबार, मंसीर १७
०१:५५

पोखरामा जनसेवा साकोसको सेवाकेन्द्र उद्घाटन

मंगलबार, असोज ११
साकोसआवाज प्रतिनिधि
saccosaawaj

कास्की । जिल्लाको अग्रणी संस्था जनसेवा बचत तथा ऋण सहकारी संस्था लि. पुरनचौरले पोखराको बगरमा पहिलो सेवा केन्द्र सञ्चालनमा ल्याएको छ । असोज १० गते, सोमबार घटस्थापनाको दिन पारेर साकोसले पोखरामा सेवा केन्द्रको उद्घाटन गरेको हो । 

साकोसका अध्यक्ष चेतनाथ गौतमको अध्यक्षतामा सुरु सेवा केन्द्र उद्घाटन कार्यक्रमको प्रमुख आतिथ्यता पृथ्वी नारायण क्याम्पसका प्राध्यापक डा.विश्वकल्याण पराजुलीले गर्नुभएको थियो । सेवा केन्द्रको उद्घाटन गर्दै प्रमुख अतिथि पराजुलीले जनसेवा सहकारीको आफ्नो छुट्टै पहिचान र विशेषता भएकोले पुरुन्चौरमा जसरी ३० बर्षको सफलता प्राप्त गरी जिल्ला र प्रदेशको उत्कृट संस्थाको रुपमा आफुलाई रुपान्तरित गरेको छ त्यसरीनै पोखरा–१ बगरबाट पनी सफल हुने कुरामा विश्वास लिएको बताउनुभयो । गाउँको सहकारी सहरमा आउँदा केही असहजताहरु भएपनि निसंकोच आफ्ना वित्तीय सेवा प्रवाह गर्न र सहकारी अभियानको यात्रालाई निरन्तरता दिन अनुरोध गर्दै सफलताको शुभकामना व्यक्त गर्नुभयो । 

कार्यक्रमा स्वागत मन्तव्य साकोका उपाध्यक्ष गोविन्द प्रसाद पौडेलले राख्नुभएको थियो । संस्थापक सदस्य विष्णु प्रसाद अधिकारीले जनसेवा साकोसका विगतदेखि वर्तमानसम्मका उतारचडावहरुबारे जानकारी गराउनुभएको थियो ।  

पोखरा महानगर सहकारी समितिका प्रतिनिधि नारायण प्रसाद आचार्यले जनसेवा साकोस कास्की जिल्लामा मात्र नभई गण्डकी प्रदेशमै उत्कृष्ट संस्थाको रुपमा रहेको बताउनुभयो । जनसेवा सहकारी सहकारीको बास्तविक मर्म र सिद्धान्त अनुसार सञ्चालन भएको, नेफ्स्कूनद्वारा सञ्चालित नेपाल स्तरको गुणस्तर सुनिश्चितताको कार्यक्रम प्रोबेसन अन्तर्गत ब्राण्ड प्राप्त गर्न सफल भई एसिया स्तरको गुणस्तर प्रमाण चिन्ह एक्सेसमा अभ्यासरत रहेको स्पष्ट पार्नुभयो । उहाँले साकोसले पर्ल्सका मापदण्डहरु पालना गर्दै संस्थागत जगेडा कोष बलियो बनाएकोले पनि ढुक्कका साथ जनसेवाको सदस्यता लिन हिच्किचाउनु नपर्ने बताउनुभयो ।   

त्यस्तैगरी पोखरा महानगरपालिकाका वडा नंं–१९ का निवर्तमान वडाअध्यक्ष शोभामोहन पौडेलले आफुले नेतृत्व गरेको वडामा जनसेवा साकोसको सेवा रहेको प्रति गर्व लागेको बताउनुभयो । उहाँले जनसेवा जिल्लाको उत्कृष्ट सहकारी भएकोले पनि यसमा सदस्य बन्नुमा गर्व गर्नुपर्ने उल्लेख गर्नुभयो । 

साकोसका सचिव दानबहादुर भुजेलले सञ्चालन गर्नुभएको कार्यक्रममा निवर्तमान अध्यक्ष  लीलाधर अधिकारीले पनि शुभकामना मन्तव्य व्यक्त गर्नुभएको थियो भने व्यवस्थापक प्रेमसागर अधिकारीले जनसेवा साकोसका सेवाहरुबारे जानकारी गराउनुभएको थियो । 

हाल २ हजार शेयर सदस्य रहेको साकोसको कुल कारोबार रु.३० करोड, शेयर पुँजी रु. ३ करोड, बचत रु. २३ करोड, ऋण लगानी रु. २४ करोड ५० लाख र जगेडाकोषमा रु. २ करोड पुर्याउन सफल भएको छ ।

पोखरा बजार देखी उत्तर तर्फ रहेको तत्कालीन पुरुन्चौर गा.वि.स. मा आज भन्दा ३० बर्ष पहिले २०५० साल भाद्र २१ गते जनसेवा साकोसको स्थापना भएको थियो । ६८ जना शेयर सदस्यहरुबाट रु.६८ हजार पुँजी संकलन गरी कास्की जिल्लामै  ०२ नंं दर्ता भई स्थानीय चिया पसलबाट साकोसले सदस्य सेवा सुरु गरेको थियो । 


 

saccosaawaj media

अध्ययन भन्छः सहकारीमा बचत, तरलता र सम्पत्ती बढ्यो, लगानी २...

सोमबार, साउन ५

अध्ययन भन्छः सहकारीमा बचत, तरलता र सम्पत्ती बढ्यो, लगानी २ प्रतिशतले घट्यो

saccosaawaj media

तीन जिल्लामा साकोस अभियानको छवी संक्षरण र विकासमा संघको भूमिका...

आईतबार, साउन २५

तीन जिल्लामा साकोस अभियानको छवी संक्षरण र विकासमा संघको भूमिका विषयक अन्तरक्रिया

saccosaawaj media

अभियानका शीर्षस्थ निकायहरूमा भक्तपुर बचत संघले बुझायो ज्ञापनपत्र

आईतबार, साउन २५

अभियानका शीर्षस्थ निकायहरूमा भक्तपुर बचत संघले बुझायो ज्ञापनपत्र