मंगलबार, साउन २४
०२:१९

रामेछाप जिल्लाका सहकारीहरु पनि कोपोमिस प्रणालीमा जोडिँदै

बिहीबार, साउन १९
साकोसआवाज प्रतिनिधि
saccosaawaj

रामेछाप जिल्लामा सञ्चालित साकोसहरुका लागि कोपोमिस तालिम प्रदान गरिएको छ । तालिममा जिल्लाका विभन्न सहकारी संस्थाहरुबाट ४० जनाको सहभागिता रहेको थियो । 

नेफ्स्कूनका सञ्चालक सदस्य जिवसराज खड्काको अध्यक्षतामा सुरु तालिम कार्यक्रम उद्घाटन जिल्ला बचत संघका अध्यक्ष जगन्नाथ दाहालले गर्नुभएको थियो । कार्यक्रममा मन्थली नगरपालिकाका सहकारी शाखा प्रमुख उज्वल पोखरेलको आतिथ्यता रहेको थियो ।

प्रमुख व्यक्ति जिल्ला वचत संघका अध्यक्ष दाहालले सहकारीका समसामयिक वस्तुस्थिति, सुशासनमा देखिएको कमजोरी साथै सहकारी संस्था सञ्चालनमा पालना गर्नुपर्ने नीति, विधि र सिद्धान्तका बारेमा प्रष्ट पार्दै सहकारीहरुले आफ्नो वित्तीय कारोबार अभियानभित्रै केन्द्रित गर्नुपर्नेमा जोड दिनुभएको थियो । उहाँले नेफ्स्कूनले प्रदान गर्ने सेवा र स्तरीकरणका कार्यक्रमहरुमा सहभागी भएर बढी भन्दा बढी लाभ लिन अनुरोध गर्दै कोपोमिसमा सबै सहकारीलाई जोडिन आव्हान गर्नुभएको थियो । कोपोमिस कार्यान्वयन सहजीकरणका लागि नेफ्स्कूनले तालिमको आयोजना गरेर सहकारीहरुका लागि राम्रो सुविधा प्रदान गरेकोप्रति प्रशंसा समेत गर्नुभएको थियो । 

नेफ्स्कूनका सञ्चालक सदस्य जिवसराज खड्काले सहकारीको समसामयिक वस्तुस्थिति बारे जानकारी गराउँदै सुशासित सहकारी अभियान निर्माणमा सबैको साथ सहयोग आवश्यक रहने बताउनुभयो । सहकारी सञ्चालनमा निति, विधि र प्रविधि प्रगोगलाई जोड दिँदै गुणस्तर सुधारका लागि स्तरीकरण कार्यक्रम र भविष्यमा आइपर्न सक्ने जोखिमबाट सुरक्षित रहन स्थिरीकरण कोषको अनिवार्य आबद्धताको विषयमा चर्चा गर्नुभएको थियो । 

मन्थली नगरपालिकाका सहकारी शाखा प्रमुख पोखरेलले कोपोमिसमा सहकारीहरुले अनिवार्य रुपमा समष्टिगत विवरण प्रविष्टि गर्नुपर्ने भन्दै कोपोमिसमा नआउने सहकारीहरु अन्य सेवा सुविधाबाट बञ्चित हुन बाध्य हुने बताउनुभयो । उहाँले सबै सहकारीहरुलाई कोपोमिसमा समयमै संस्थाका समष्टिगत विवरण भर्न अनुरोध गर्दै नगरपलिकाको तर्फबाट पनि यसमा साथ सहयोग रहने प्रतिवद्धता व्यक्त गर्नुभयो ।

कोपोमिस तालिम सहजीकरण नेफ्स्कूनका सूचना प्रविधि अधिकृत प्रविण अधिकारीले गर्नुभएको थियो भने कार्यक्रम सञ्चालन र व्यवस्थापन सहजीकरण नेफ्स्कून मन्थली फिल्ड कार्यालयका ईन्चार्ज सूर्य बहादुर थापाले गर्नुभएको थियो ।

नेफ्स्कूनले आफ्ना सबै फिल्ड कार्यालयहरु मार्फत कोपोमिसमा सहकारीका डाटा प्रविष्टिका लागि तालिम तथा अभिमुखीकरण कार्यक्रमहरु सञ्चालन गरिरहेको छ भने पछिल्ला दिनहरुमा ठूलो संख्यामा बचत तथा ऋण सहकारी संस्थाहरुले सहकारीका समष्टिगत डाटा प्रविष्टि गरिरहेका छन् । 


     

saccosaawaj media

अध्ययन भन्छः सहकारीमा बचत, तरलता र सम्पत्ती बढ्यो, लगानी २...

सोमबार, साउन ५

अध्ययन भन्छः सहकारीमा बचत, तरलता र सम्पत्ती बढ्यो, लगानी २ प्रतिशतले घट्यो

saccosaawaj media

तीन जिल्लामा साकोस अभियानको छवी संक्षरण र विकासमा संघको भूमिका...

आईतबार, साउन २५

तीन जिल्लामा साकोस अभियानको छवी संक्षरण र विकासमा संघको भूमिका विषयक अन्तरक्रिया

saccosaawaj media

अभियानका शीर्षस्थ निकायहरूमा भक्तपुर बचत संघले बुझायो ज्ञापनपत्र

आईतबार, साउन २५

अभियानका शीर्षस्थ निकायहरूमा भक्तपुर बचत संघले बुझायो ज्ञापनपत्र