मंगलबार, साउन २४
०२:०८

मुकुन्दपुर साकोस स्तरीकरण कार्यक्रम प्रोबेसनमा आबद्ध

बुधबार, साउन १८
साकोसआवाज प्रतिनिधि
saccosaawaj

नवलपरासी । जिल्लाको (बर्दघाट सुस्ता पूर्व) गैडाकोट–११, हर्कपुर मा अवस्थित मुकुन्दपुर बचत तथा ऋण सहकारी संस्था लि.प्रोबेसन कार्यक्रममा आबद्ध भएको छ । प्रोबेसन कार्यक्रम नेफ्स्कूनले सञ्चालन गरेको राष्ट्रिय स्तरको साकोसहरुको गुणस्तर सुनिश्चितासम्बन्धी पूर्ण तथा व्यावायिक साकोस विकास कार्यक्रम हो । 

साकोसको कार्यालयमा आज (श्रावण १८) आयोजित कार्यक्रममा साकोसका सचिव कालिका प्रसाद देवकोटा र नेफ्स्कूनको तर्फबाट कार्यक्रम अधिकृत सुरज चालिसेले सम्झौतापत्रमा हस्ताक्षर गर्नुभएको थियो । 

प्रोबेसन कार्यक्रम आबद्धताले साकोसको संस्थागत विकास र वित्तीय सुशासन कायम हुने विश्वास लिइएको साकोसका सचिव देवकोटाले बताउनुभयो । नीति विधिमा रहेर सहकारी संस्था सञ्चालन गर्नु र स्तरीकरण कार्यक्रममा जोडिएर अभियानको सुदृढीकरणका लागि काम गर्न पाउँदा संस्थागत विकास सँगै सदस्यहरुमा समेत विश्वासको वातावरण सृजना गर्न सकिने उहाँले बताउनुभयो । 

कार्यक्रममा साकोसका सञ्चालक समिति सदस्य द्वय बालकृष्ण देवकोटा, होमनाथ सापकोटा र प्रमुख कार्यकारी अधिकृत सुरज लामिछाने उपस्थित हुनुहुन्थ्यो । 

२०५६ साल असार २३ गते स्थापना भएको मुकुन्दपुर साकोसमा ४ हजार ८ सय ८८ जना सदस्य छन् भने साकोसको कुँल पुँजी ३२ करोड ९९ लाख ६० हजार रुपैयाँ रहेको छ । समुदायमा सञ्चालित साकोसले सदस्य सेवालाई केन्द्रविन्दुमा राखेर वित्तीय सेवा प्रवाह गर्दै आइरहेको साकोसका सचिव देवकोटाले जानकारी गराउनुभयो । 

saccosaawaj media

अध्ययन भन्छः सहकारीमा बचत, तरलता र सम्पत्ती बढ्यो, लगानी २...

सोमबार, साउन ५

अध्ययन भन्छः सहकारीमा बचत, तरलता र सम्पत्ती बढ्यो, लगानी २ प्रतिशतले घट्यो

saccosaawaj media

तीन जिल्लामा साकोस अभियानको छवी संक्षरण र विकासमा संघको भूमिका...

आईतबार, साउन २५

तीन जिल्लामा साकोस अभियानको छवी संक्षरण र विकासमा संघको भूमिका विषयक अन्तरक्रिया

saccosaawaj media

अभियानका शीर्षस्थ निकायहरूमा भक्तपुर बचत संघले बुझायो ज्ञापनपत्र

आईतबार, साउन २५

अभियानका शीर्षस्थ निकायहरूमा भक्तपुर बचत संघले बुझायो ज्ञापनपत्र