मोरङका दुई साकोसबीच एकीकरण

काठमाडौं । मोरङको कानेपोखरी गाउँपालिका ६ रमाइलोस्थित रमाइलो बचत तथा ऋण सहकारी र जनएकता बचत तथा ऋण सहकारीबीच एकीकरण भएको छ । एकीकृत संस्थाको नाम रमाइलो जनएकता बचत तथा ऋण सहकारी  संस्था राखिएको छ । एकीकृत सहकारीको १५ सदस्यीय तदर्थ सञ्चालक समितिको अध्यक्षमा भोला प्रसाद अधिकारी, उपाध्यक्षमा अम्बिका प्रसाद अर्याल र यशोदा लिम्बु, सचिवमा टङ्क बहादुर अधिकारी, सह सचिवमा युवराज दवाडी र कोषाध्यक्षमा त्रिभुनाथ फुयाँल रहनुभएको छ । त्यस्तै, सदस्यहरूमा इच्छा कोइराला, राजेश कार्की, गीता कार्की, नारायण काफ्ले, प्रमीला धिमाल, अनिल कार्की, तारा ओझा राजवंशी, कुमार फुयाँल र डिल्ली प्रसाद ओझा रहनुभएको छ भने लेखा सुपरिवेक्षण समिति संयोजकमा रवीन्द्र पाठक र सदस्यहरूमा बोधनारायण राजवंशी र विमला कटुवाल रहनुभएको छ ।

साकोस एकीकरणसँगै कारोबार पनि बढेको छ । सहकारीको पुँजी तथा दायित्व ९ करोड ९४ लाख १५ हजार ८ सय रुपैयाँ रहेको छ भने कोष हिसाब १० करोड ३० लाख ४८ हजार ५४९ रुपैयाँ पुगेको छ । त्यसै गरी बचत तथा निक्षेप ६५ करोड ४५ लाख ४२ हजार २८९ रुपैयाँ पुगेको छ ।